صباح الخير – مساء الخير ..
انا حابب اقول كلمتين كدة رد على كل الرسايل الـ بتجيلي ..
نزل من كذا يوم خبر على اكتر من جريدة ان فى مسلسل هيتعمل ” للبابا شنودة ”
وان تحت تنفيذ الانتاج ” دير الانبا بيشوي ” برقم كبير انتاجياً ” 50 – 80 ” مليون.
وبعد كدة بكذا ساعة شوفت فيديو للـ راهب ” القمص بموا الانبا بيشوى ” ..
موضح فيه ان المسلسل فعلا بيتم تجهيزة وتم بالفعل كتابة السناريو والحوار
و وضح ” ابونا بموا ” ان فعلا المسلسل اتعرض على الفنان القدير ” ماجد الكدواني ”
ولكن مفيش موافقة رسمية من الفنان حتى الان .. وكل الاخبار استعدادية ليس اكتر ..
ومفيش اى مخرج اكيد لهذا العمل ” المسلسل ” حتى الان ..
وبيتم الان اختيار مخرج للعمل ومن الاسماء المرشحة للعمل ” المخرجة سندرا نشأت ”
اما بخصوص البوستر الـ بيتم تداولة حاليا هو بوستر اجتهادي فقط ..
وكان مخصوص لـ ( موقع ترانيم اون لاين ) ( صفحة أمسيحي أساح
بي ) ..
ولكن كانت المفجاءة ان البوستر انتشر بطريقة مش طبيعية ..
واصبح تريند على جوجل فى خلال ساعات من نزوله ..
وانا بالفعل عملت البوستر بعد ما شوفت خبر رسمى من الكنيسة ..
فيديو لـ ( ابونا بموا الانبا بيشوي ) ( الانبا مارتيروس ) ( الانبا مرقس )
وقتها قولت تمام هعمل البوستر بدل الخبر مش اشاعة ..
وقبل ما اعمل البوستر كلمت مخرج عمل الفيلم الـ تم اصدار البرومو بتاعه
فيلم ” بابا العرب ” من انتاج شركة ريماس و اخراج ” البير مكرم ” ..
وسألته عن في فرق بينهم ولا لاء ولكن لم يتم الرد عليا ..
وده رد على الناس الـ بتدخل تعملي مينشن عند استاذ ” البير ”
وانا بالفعل كان نفسي اخدم فى الفيلم اساسا او اي حاجة تخص ” البابا شنودة ”
مسلسل او فيلم دى بركة كبيرة .. وياريت الاتنين يتنفذو ..
و اخيرا حابب اقول حاجة ..
الموضوع واضح انه كبير .. و فى تفاصيل كتير محدش يعرفها ..
ولكن المسلسل بيتجهز وده خبر اكيد ومتوثق بفيديوهات كتير موجودة ..
ولكن حتى الأن لم يتم التعاقد مع الفنان ماجد الكدواني
والبوستر نزل بالفعل على صفحة بـ اسم ” ماجد الكدواني ”
لكني مش عارف هل فعلا صفحة رسمية تخص الفنان ام لا ..
فا انا منتظر الـ هيحصل الوقت الـ جي ..
وشكرا جدا جدا على تعليقاتكم على البوستر .. فرحتوني جداً
وانا اسف اني اتأخرت انى اكتب الكلام ده ..
واسف لعدم ردي على رسايل الناس الـ بتسألني ..
و أعلن دير القديس الأنبا بيشوي، تجميد العمل في مسلسل “بابا العرب”، الذي يتناول شخصية البابا شنودة بابا الكنيسة أرثوذكسية وبطريرك الكرازة المرقسية.
وأوضح بيان رسمي، أن المسلسل تم تجميده نظرًا لعدم توفر التمويل المطلوب لأسباب خاصة بالدير.