ترنيمة انت بابا لـ نسرين مكرم

ترنيمة انت بابا
ترنيم
نسرين مكرم
كلمات الشاعر
رمزى بشارة
الحان سامح عبيد
توزيع موسييقى و مكساج
اندرية مينا
اخراج تامر وديع فرنسيس
شكر خاص
كرستينا جورج
ندى مكرم
تامر بشرى

كُنت فاكر إني لما
هافتِرِق عن ناس عُزاز
قلبي من رَعشة مخاوفي الـمُستمرة والإهتزاز
إللي هيصيبُه نتيجة وحدته وهَمُّه الكبير
مُستحيل نبضُه هيفضَل بعدها شغال كتير
بس عاش والمحنة عدت
عدت أحلى ماقلبي عاز

إني أَعَدِّي الأزمة دِيَّة
إنت كان ليك أقوى دُور
كنت متواجد معايا
وقتها كان ليك حُضور
وقتها ودلوقتي برضو
من ساعتها باأحس بيك
حتى بكره حتى بَعدُه
كل يوم عيني عليك
كل يوم تفتح لي باب
كل يوم تخلق لي نور

كل يوم لما آجي أشكر
عالكَرَم والإحسانات
أبقى محتار أصْلِي هاأشكُر
عاللي جاي وللا اللي فات !
كل يوم تِعمِل معايا
شىء جديد تِبهرني بِيه
كل شيء تستاهل إني
أشكرك جداً عليه
إنتَ أبويا وإنت عَوَضي
عاللي حَيْ وعاللي مات
وإللي بيحيَّر حقيقي والغرابة
إني شُفت رعاية وِمَحَبَّة وطيابة
ليه ده كله ؟! .. أصل بيننا صِلِة قرابة
الحقيقة إني إبنك وإنت بابا
رمزي بشارة

مواهب ترانيم اون لاين